ერთა ლიგის A დივიზიონის წილისყრა | მეოთხედფინალური წყვილები ცნობილია
შვეიცარიის ქალაქ ნიონში, უეფა-ს ერთა ლიგის პლეიოფის წილისყრა გაიმართა და A დივიზიონის მეოთხედფინალური წყვილები გაირკვა. ერთა ლიგის მოქმედი გამარჯვებული, ესპანეთის საფეხბურთო ნაკრები ტიტულის დაცვას ნიდერლანდებთან დაპირისპირებით დაიწყებს.
„ნარინჯისფრების“ დამარცხების შემთხვევაში, „ფურია როხა“ ხორვატიისა და საფრანგეთის წყვილის გამარჯვებულს შეხვდება. პლეიოფის მეორე მხარეს რაც შეეხება, იტალიისა და გერმანიის ნაკრებები ერთმანეთში გაარკვევენ საუკეთესოს ვინაობას, ხოლო დანია პორტუგალიას დაუპირისპირდება.
???????? Nations League quarter finals draw. pic.twitter.com/7fM96LrC38
— Fabrizio Romano (@FabrizioRomano) November 22, 2024
ერთა ლიგის პლეიოფის მატჩები 20 და 23 მარტს გაიმართება. ტურნირის ნახევარფინალურ შეხვედრებს 4 და 5 ივნისს ვიხილავთ, ხოლო ფინალური დაპირისპირება 8 ივნისს არის ჩანიშნული.
როგორც მოგეხსენებათ, A ლიგის მეოთხედფინალური წყვილების გარდა, საქართველოს ნაკრების მეტოქეც გაირკვა. „ჯვაროსნები“ სომხეთს დაუპირისპირდებიან და B დივიზიონში ადგილის შენარჩუნებას შეეცდებიან.
