ფავორიტი მებრძოლები UFC-ში | ტომ ასპინალის ტოპ 4-ში ილია თოფურიაცაა
UFC-ის მძიმე წონითი დივიზიონის დროებითმა ჩემპიონმა, ტომ ასპინალმა ილია თოფურიაზე ისაუბრა. ინგლისელს სთხოვეს, დაესახელებინა UFC-ის მებრძოლები, რომელთა ჩხუბის ყურებაც ყველაზე დიდ სიამოვნებას ანიჭებს და ასპინალმა „ელ მატადორი“ გამოარჩია.
„ვინ არის ჩემი საყვარელი მებრძოლი ამ მომენტისთვის UFC-ში? MMA-ის დიდი გულშემატკივარი ვარ და ბევრი მებრძოლი მომწონს. ალექს პერეირა ჩემი ერთ-ერთი ფავორიტია, რადგან ამაღელვებელი სტილი აქვს და ოქტაგონზე, ყოველთვის ტემპერატურას მაღლა წევს.
ილია თოფურიას დიდი ფანი ვარ. ალექს ვოლკანოვსკის დიდი ფანი ვარ. სულ ესაა, ეს სამი მებრძოლი არიან ისინი, ვისი ჩხუბის ყურებაც ყველაზე მეტად მსიამოვნებს. ისლამ მახაჩევი გამომრჩა. ისიც უნდა ვახსენო. MMA-ის ქომაგი ვარ და ყველა მებრძოლის ყურება მსიამოვნებს, მაგრამ ეს ოთხი ჩემი ფავორიტია“.
შეგახსენებთ, რომ დიდი ალბათობით, ასპინალი მომდევნო ბრძოლას ჯონ ჯონსის წინააღმდეგ გამართავს. ინგლისელი მებრძოლი „ბოუნსს“ დიდი ხანია იწვევს და UFC-ის პრეზიდენტის, დენა უაითის თქმით, მისი სურვილი სწორედ ამ ჩხუბის ჩანიშვნაა.
