წარმატებული დებიუტი ევროლიგაზე | მარკოიშვილის მონაკომ ფრანგული დერბი მოიგო
მანუჩარ მარკოიშვილმა „მონაკოს“ მთვარი მწვრთნელის პოსტზე სადებიუტო შეხვედრა ჩაატარა. ლეგენდარული ქართველი კალათბურთელის გუნდი, ევროლიგის ეგიდით, „ლიონ-ვილერბანს“ დაუპირისპირდა და ფრანგულ დერბიში იმარჯვა.
„მონაკომ“ პირველი მეოთხედი 20:25 წააგო, მეორე ათწუთეულში კი მეტოქეზე სამით მეტი ქულა ჩააგდო და დიდ შესვენებაზე 2-ქულიანი ჩამორჩენით გავიდა - 38:40. მატჩში გადამწყვეტი მესამე მეოთხედი გამოდგა, რომელიც მარკოიშვილის გუნდმა 37:24 მოიგო და უპირატესობა საფინალო სირენამდე შეინარჩუნა - 103:92.
Coach Manuchar Markoishvili ????????????#RocaTeam #DagheMunegu pic.twitter.com/99pietPcpn
— AS Monaco Basket ???????? (@ASMonaco_Basket) November 21, 2024
„მონაკოს“ რიგებში ყველაზე მეტი, 27 ქულა ელი კობომ მიითვალა. მაიკ ჯეიმსს 17 ქულა, 6 შედეგიანი გადაცემა და 1 მოხსნა ჰქონდა. ალფა დიალომ 12 ქულა დააგროვა, ჯარონ ბლოსომგეიმის ანგარიშზე კი 14 ქულა და 5 მოხსნა გახლდათ.
ცნობისთვის, „მონაკოს“ 7 მოგება და 4 წაგება აქვს და ევროლიგის სატურნირო ცხრილის მე-7 პოზიციას იკავებს. მარკოიშვილის გუნდი მომდევნო შეხვედრას 29 ნოემბერს გამართავს და ევროლიგის ეგიდით, „პანათინაიკოსს“ დაუპირისპირდება.
