2026 წლის მუნდიალი: ჩვენი კალათა, მეტოქეები და წილისყრის თარიღი

13 დეკემბერს საქართველოს ნაკრებისთვის მნიშვნელოვანი წილისყრა გაიმართება. 2026 წლის მსოფლიო ჩემპიონატის საკვალიფიკაციო ეტაპზე ვილი სანიოლის გუნდის მეტოქეები გახდება ცნობილი. უკვე ვიცით, თუ რომელ კალათაში მოვხვდით.

ერთა ლიგაზე B დივიზიონში მესამე ადგილის დაკავების შემდეგ, ჩვენი ნაკრები მსოფლიო ჩემპიონატის შესარჩევის წინ მე-3 კალათაშია განთესილი, თუმცა მაინც სავსებით შესაძლებელია, რომ პირველ-მეორე კალათებიდან მისაღები მეტოქეები შეგვხვდეს და ურთულეს ჯგუფში არ მოვხვდეთ. აი ჩეხეთთან, რომ მოგვეგო ან მეორე ადგილი დაგვეკავებინა, მე-2 კალათაში მოვხვდებოდით და გაცილებით მარტივ ჯგუფში მოხვედრის შანსი გვექნებოდა.

კალათები და ნაკრებები ასე გამოიყურება:

1 კალათა: საფრანგეთი, ესპანეთი, ინგლისი შვეიცარია, ნიდერლანდები, გერმანია პორტუგალია, იტალია, ხორვატია, ბელგია, ავსტრია, დანია.

2 კალათა: თურქეთი, უკრაინა, სერბეთი, სლოვაკეთი, შვედეთი, უნგრეთი, ჩეხეთი, ნორვეგია, საბერძნეთი, რუმინეთი, პოლონეთი, უელსი.

3 კალათა: სლოვენია, შოტლანდია, ბოსნია, საქართველო, ფინეთი, ირლანდია, ჩრდილოეთ მაკედონია, ისლანდია, მონტენეგრო, ისრაელი, ალბანეთი, ჩრდილოეთ ირლანდია.

4 კალათა: ლუქსემბურგი, ბულგარეთი, სომხეთი, ყაზახეთი, კოსოვო, ესტონეთი, აზერბაიჯანი, კვიპროსი, ლიეტუვა, ფარერები, ლატვია, ბელარუსი.

5 კალათა: მოლდოვა, ანდორა, მალტა, გიბრალტარი, ლიხტენშტეინი, სან მარინო.

საკვალიფიკაციო ეტაპის მატჩები სტარტს 2025 წლის მარტში აიღებს.

ერთა ლიგის პლეი-ოფი

ხვალ ერთა ლიგაზე B დივიზიონში ადგილის შესანარჩუნებლად ჩვენი, როგორც ამ დივიზიონის მე-3 ადგილოსნის მეტოქე გაირკვევა.

C დივიზიონიდან საქართველოს სავარაუდო მეტოქე 4 მეორეადგილოსნიდან ერთი ნაკრები იქნება: სლოვაკეთი, ბულგარეთი, სომხეთი, კოსოვო - აქედან რომელიმეს ორმატჩიან დუელში დავუპირისპირდებით. პირველ შეხვედრაში (სტუმრად) კი ყვითელი ბარათების გამო კვარაცხელია და კაშია დაგვაკლდება. თუმცა საკუთარ მოედანზე ორივე მათგანი დაგვიბრუნდება.

შვეიცარიის ქალაქ ნიონში გასამართი წილისყრა 15:00-ზე დაიწყება. პლეი-ოფის მატჩები 20 და 23 მარტს გაიმართება. გამარჯვებული კი 2026 წელს ერთა ლიგაში B დივიზიონში ითამაშებს.