„ზოგიერთი იდიოტი თვლის, რომ ვარსკვლავური გუნდი გვყავს“ - უკრაინელი ექსპერტი

საქართველო უკრაინის მატჩის შემდეგ უკრაინულ პრესაში სერგეი რებროვის ნაკრების მიმართ დიდი კრიტიკაა.

ამჯერად კრიტიკულ მოსაზრებას კიევის „დინამოსა“ და უკრაინის ნაკრების ყოფილი თავდამსხმელი ვიქტორ ლეონენკო გამოთქვამს, რომელიც ბოლო დროს საფეხბურთო ექსპერტად მუშაობს.

„არ მომწონს რასაც ჩვენი ნაკრები თამაშობს. ადრე რებროვის გუნდი ხშირად უტევდა, ახლა კი ძირითადად დაცვაში დგანან, ხანდახან მეტი რისკია საჭირო. საქართველოსთან შეხვედრაში გულშემატკივრებს შეეძლოთ ტელევიზორი 92-ე წუთზე ჩაერთოთ, როცა ნაზარენკომ და გუცულიაკმა მომენტები ვერ გამოიყენეს. მეტი შანსი ჩვენ არ გვქონია.

საქართველოს ნაკრები ჩვენზე ძლიერი არ არის. მათ კარში 18-ჯერ დაგვირტყეს, ჩვენ მხოლოდ შვიდჯერ. გოლის გატანის შემდეგ დაცვაში „ავტობუსი“ ჩავაყენეთ. და ეს ყველაფერი საფრანგეთთან, ესპანეთთან ან რომელიმე გრანდთან არ მომხდარა.

ზოგიერთი იდიოტი თვლის, რომ ვარსკვლავური გუნდი გვყავს, მაგრამ მე ამ შეხვედრაში ევროპული დონის მოთამაშეები ვერ ვნახე. თუ რებროვმა იცის, რომ შემტევი ფეხბურთის თამაში გუნდს არ შეუძლია, მაშინ პრესასთან საპირისპიროს არ უნდა ამბობდეს. ჩვენი პრობლემა ის არის, რომ მეტოქის შეჩერებას ვახერხებთ, მაგრამ თავად მომენტების შექმნა გვიჭირს. ამაში დამნაშავე ყველა არის - ფეხბურთელებიც და მწვრთნელებიც“.

- განაცხადა უკრაინულ მედიასთან საუბრისას ლეონენკომ.

შეგახსენებთ, რომ უკრაინელები ჯგუფში 5 ქულით ბოლო ადგილზე იმყოფებიან. მათ მხოლოდ მესამე ადგილის დაკავების მცირე შანსი აქვთ.