ობრადოვიჩი გაათავისუფლეს - მონაკოს მანუჩარ მარკოიშვილი გაწვრთნის
მონაკოს საკალათბურთო გუნდსა და მთავარ მწვრთნელ საშა ობრადოვიჩს შორის შეთანხმების საფუძველზე თანამშრომლობა წყდება. მონაკოს დროებით მწვრთნელად ქართველი ყოფილი კალათბურთელი მანუჩარ მარკოიშვილი იქნება. აქამდე ის ობრადოვიჩის ასისტენტი იყო.
ცნობისთვის, მარკოიშვილი მონაკოში 2021 წლიდან მუშაობს. ის ჯერ ზვეზდან მიტროვიჩის დამხმარე იყო, ხოლო შემდეგ, როგორც უკვე მოგახსენეთ ობრადოვიჩის.
აღსანიშნავია, რომ საშას ხელმძღვანელობით მონაკო საფრანგეთის გასული წლის ჩემპიონი გახდა და ასევე ისტორიაში პირველად ევროლიგაზე ოთხთა ფინალში გავიდა.
მიუხედავად ამისა, ობრადოვიჩს ჯერ ცრვენა ზვეზდასთან და შემდეგ ლე მანთან წაგება არ აპატიეს.
ჯერჯერობით უცნობია, თუ რამდენი ხნით იქნება მანუჩარ მარკოიშვილი ფრანგული გუნდის მთავარი მწვრთნელი.
