ერთდროულად 3 გრანდი ინტერესდება - ბოლო ცნობები კვარას ტრანსფერზე
როგორც მოგეხსენებათ, ხვიჩა კვარაცხელია და ნაპოლი ახალ კონტრაქტზე ვერ თანხმდებიან. ამ სიტუაციით სარგებლობას კი რამდენიმე კლუბი ცდილობს.
ამის პარალელურად, გავლენიანი სპორტული ჟურნალისტი ეკრემ კონური იუწყება, რომ შექმნილი სიტუაციის გამო, ქართველი ფეხბურთელი ბარსელონასთან და პარი სენ ჟერმენთან მოლაპარაკების განახლებას გეგმავს.
შეგახსენებთ, რომ ფრანგულ გუნდს ხვიჩას გადაბირება ჯერ კიდევ მიმდინარე წლის ზაფხულში სურდა, მაგრამ შეთანხმება არ მოხერხდა. გეტყვით, რომ ეკრემ კონური ისეთ გამოცემებში მუშაობს, როგორებიც ESPN, Goal და BBC გახლავთ. მისი გავრცელებული ყველა ინფორმაცია, საკმაოდ სანდოა.
???????? #Napoli ????????
— Ekrem KONUR (@Ekremkonur) November 18, 2024
Georgian winger Khvicha Kvaratskhelia plans to restart talks with Barcelona and Paris Saint-Germain due to the standstill of contract negotiations in Napoli. pic.twitter.com/ektZ357flC
რაც შეეხება ბარსელონას ინტერესს, გუშინ იტალიურმა მედიამ დაწერა, რომ კვარაცხელიას სანაცვლოდ ბარსელონა 80 მილიონ ევროს ამზადებს.
ამ ყველაფერს კიდევ ერთი ინფორმაცია ემატება. სულ ცოტა ხნის წინ, ცნობილი გახდა, რომ ჯუნტოლის(იუვენტუსის სპორტული დირექტორი) ხვიჩას იუვენტუსში წაყვანა სურს და ამ საკითხზე აქტიურად იმუშავებს.
ჯერჯერობით არავინ იცის რა გადაწყვეტილებას მიიღებს ხვიჩა, თუმცა ერთი რამ ნათელია. ზაფხულის სატრანსფერო ფანჯრის დროს, დიდი ალბათობით კვარა ნაპოლის დაემშვიდობება.
