მანჩესტერ იუნაიტედი ოსიმენის სანაცვლოდ, ნაპოლის ზირკზესა და €30 მილიონს სთავაზობს - Il Mattino
„მანჩესტერ იუნაიტედი“ მზად არის, ვიქტორ ოსიმენის სანაცვლოდ, ჯოშუა ზირკზე დათმოს და დამატებით 30 მილიონი გადაიხადოს. ინფორმაციას ამის შესახებ Il Mattino ავრცელებს.
თუმცა, გამოცემის ცნობით, „პარტენოპეის“ პრეზიდენტი ამ გარიგებას მხარს არ უჭერს და ნიგერიელის გაყიდვას მხოლოდ გამოსასყიდის სრული თანხის გადახდის სანაცვლოდ აპირებს.
ვრცელდება ინფორმაცია, რომ „ნაპოლი“ მზად არის, ოსიმენი, რომელიც ამჟამად იჯარით „გალათასარაიში“ თამაშობს, იანვარში 81 მილიონის, ხოლო სეზონის ბოლოს - 75 მილიონი ევროს სანაცვლოდ დათმოს.
მიმდინარე სეზონში, ყველა ტურნირზე გამართულ 9 შეხვედრაში, ოსიმენმა თავი 8 გოლითა და 4 საგოლე გადაცემით გამოიჩინა. რვიდან ექვსი ბურთი მან თურქეთის ჩემპიონატში გაიტანა და ბომბარდირთა დავაში მხოლოდ ჩირო იმობილეს (ბეშიქთაში, 8 გოლი) და ედინ ჯეკოს (ფენერბაჰჩე, 7) ჩამორჩება.
