იოკოჰამას ჩელენჯერი - ბასილაშვილმა დოდიჯი დაამარცხა და 1/8-ფინალშია
იოკოჰამას ჩელენჯერის პირველ წრეში ნიკოლოზ ბასილაშვილი მატეი დოდიჯს დაუპირისპირდა და მძიმე ბრძოლაში, სამ სეტში 6:4 2:6 6:4 დაამარცხა.
პირველ სეტში, ქართველი ჩოგბურთელი ბრეიკით აგებდა, თუმცა ხორვატის ბოლო 2 ჩაწოდება მოიგო და სეტი მისთვის ლოგიკურ დასასრულამდე მიიყვანა.
მეორე სეტში დოდიჯი აქტიურობდა და ბასილაშვილს 3 ბრეიკი შეუსრულა. დისაიდერში, მეორე და მესამე გეიმში მოთამაშეებმა ბრეიკები გაცვალეს და შემდეგ საკუთარ ჩაწოდებებზე დამაჯერებლად თამაშობდნენ.
იმ დროს, როდესაც ნიკოლოზის სასარგებლოდ ანგარიში 5:4 იყო, ბასილაშვილმა ბრეიკი შეასრულა და მატჩი მეტოქის ჩაწოდებაზე მოიგო.
შეგახსენებთ, რომ იოკოჰამას ჩელენჯერის საპრიზო ფონდი 82 000 დოლარი გახლავთ. ჩემპიონი კი 75 სარეიტინგო ქულას მიიღებს.
