„კონორი სპორტსმენი აღარაა, მისთვის სპორტად დალევა იქცა“ | ილია თოფურია

ილია თოფურია სატელევიზიო გადაცემის, El Hormiguero-ს სტუმარი იყო. „ელ მატადორმა“ კონორ მაკგრეგორთან შესაძლო ჩხუბზე ისაუბრა და ალექსანდრ ვოლკანოვსკისა და მაქს ჰოლოუეის შორის დაასახელა მებრძოლი, რომელთანაც უფრო გაუჭირდა.

„კონორ მაკგრეგორის დრო წასულია. მისი ცემის აზრს ვერ ვხედავ, რადგან ეს იგივე იქნება, ოქტაგონზე მამაჩემი ვცემო. მაკგრეგორი სპორტსმენი აღარაა, რადგან მისთვის სპორტად დალევა იქცა. გარდა ამისა, ძალიან, ძალიან ბევრს ყბედობს. 5 წელია ოქტაგონზე არ გასულა და ტოპ 15-შიც არ იმყოფება, ახლა კი ჩემთან ბრძოლა მოუნდა?

რომელთან უფრო რთული ჩხუბი მქონდა, ჰოლოუეისთან თუ ვოლკანოვსკისთან? ვოლკანოვსკისთან უფრო გამიჭირდა, რადგან ალექსს ისეთი ხელები და წვდომი აქვს, შეუძლია, დისტანციიდან იბრძოლოს და მსაჯების გადაწყვეტილებით მოიგოს“.

შეგახსენებთ, რომ თოფურიამ ჯერ ვოლკანოვსკი დაამარცხა და საჩემპიონო ქამარს დაეუფლა, შემდეგ კი ჰოლოუეის მოუგო და პირველი მებრძოლი გახდა, ვინც „დალოცვილი“ დაანოკაუტა. UFC-ის Pound for pound რეიტინგში თოფურია მე-4 ადგილზე იმყოფება.