გენდერული ნიშნით ძალადობა - ვანდა ნარამ იკარდის უჩივლა
ესპანური As-ის ცნობით, ვანდა ნარამ მაურო იკარდის წინააღმდეგ სასამართლოში სარჩელი შეიტანა. საქმე გენდერული ნიშნით ძალადობას ეხება.
ჟურნალისტმა ანხელ დე ბრიტომ América TV-ს ეთერში განაცხადა, რომ ვანდა ნარამ არგენტინაში ჩასვლის შემდეგ „გალათასარაის“ თავდამსხმელის წინააღმდეგ ორი სარჩელი შეიტანა. როგორც ირკვევა ფეხბურთელს ყოფილ მეგობარ გოგოსთან ჩხუბი მოუვიდა. ვანდა მაუროს გენდერული ნიშნით ძალადობაზე უჩივის. წყაროს თანახმად, მათ შორის ორი ჩხუბი მოხდა, რა დროსაც სახლში ბავშვებიც იმყოფებოდნენ.
იკარდი უკვე ინფორმირებულია პრეტენზიების შესახებ და ბუენოს აირესის სამოქალაქო სასამართლოში 15 ნოემბერს ჩვენებასაც მისცემს.
იკარდის ამჟამინდელი კლუბი „გალათასარაი“ ამ ინფორმაციას უარყოფს და ფეხბურთელის მიმართ არსებულ ბრალდებას არ ეთანხმება.
„ჩვენს ფეხბურთელ მაურო იკარდის შესახებ სპეკულაციები სიმართლეს არ შეესაბამება. ჩვენი ფეხბურთელი არგენტინაში სახლში ისვენებს.
გთხოვთ, ყურადღება არ მიაქციოთ ამ სიახლეს, რომელიც მიზნად ჩვენს სპორტსმენებზე ზეწოლას ისახავს“,
- ნათქვამია კლუბის განცხადებაში.
Profesyonel futbolcumuz Mauro Icardi hakkında ortaya atılan spekülasyonlar gerçeği yansıtmamaktadır. Oyuncumuz Mauro Icardi, Arjantin’deki evinde istirahat etmektedir.
— Galatasaray SK (@GalatasaraySK) November 14, 2024
Sporcumuzu yıpratmaya yönelik yapılan bu haberlere itibar edilmemesi önemle rica olunur.
Galatasaray Spor… pic.twitter.com/NKeUq21FeW
შეგახსენებთ, რომ მაურო მუხლის ჯვარედინი იოგების ტრავმას მკურნალობს. ის სეზონის დარჩენილ ნაწილს გამოტოვებს.
