„მსოფლიო ჩემპიონატზე მოხვედრა შეუძლებელი არაა“ | გურამ კაშია

პირველი არხის გადაცემა „ტაიმაუტთან“ ექსკლუზიურ ინტერვიუში საქართველოს ნაკრების კაპიტანმა, გურამ კაშიამ ერთა ლიგის მოახლოებულ თამაშებსა და მსოფლიო ჩემპიონატზე მოხვედრის შანსებზე ისაუბრა.

„სახლში ვთამაშობთ, სავსე ტრიბუნები იქნება და აუცილებლად უნდა მოვიგოთ ეს შეხვედრა, ჩვენი გეგმა ესაა. ვიცი, სწორად თუ ვიმუშავებთ, მსოფლიო ჩემპიონატზე მოხვედრა შეუძლებელი არ იქნება.

შანსი გვაქვს. ეს ჩემი, როგორც ფეხბურთელის, ბოლო იმედია, მსოფლიო ჩემპიონატზე გავიდეთ. ამიტომ ყველაფერს გავაკეთებ იქ მოსახვედრად. ვფიქრობდი, რომ ევროპის ჩემპიონატზე გასვლა შეგვეძლო და ზუსტად იგივე გრძნობა მაქვს ახლაც. ვიცი, რომ სწორად მუშაობის შემთხვევაში მუნდიალზე თამაში შეგვიძლია“.

ცნობისთვის, უკრაინის ნაკრები 4 ქულით ერთა ლიგის B1 ჯგუფის ბოლო ადგილზეა. ჯგუფს ჩეხეთი 7 ქულით ლიდერობს, ხოლო მეორე და მესამე ადგილებს საქართველოს და ალბანეთის ეროვნული გუნდები იყოფენ. საქართველოსა და უკრაინის ნაკრებების მატჩი 16 ნოემბერს არის ჩანიშნული და თბილისის დროით, 21:00-ზე დაიწყება.

წყარო: 1tv.ge