კვარაცხელიაც იყო წარდგენილი | ვინ გახდა სერია A-ს ოქტომბრის MVP?
იტალიის სერია A-ს ოქტომბრის თვის საუკეთესო ფეხბურთელი მატეო რეტეგი გახდა. აღნიშნულ ჯილდოზე „ნაპოლის“ ქართველი შემტევი, ხვიჩა კვარაცხელიაც იყო წარდგენილი, მაგრამ გულშემატკივრებმა „ატალანტას“ წარმომადგენელი გამოარჩიეს.
რეტეგიმ ოქტომბერში 4 შეხვედრაში მიიღო მონაწილეობა და ფენომენალური სტატისტიკა დააფიქსირა. იტალიის ნაკრების ფეხბურთელმა „ჯენოას“ ჰეთ-თრიქი შეუსრულა, „ვერონასთან“ დუბლი გაიფორმა, ხოლო „ვენეციასთან“ გოლსა და საგოლე გადაცემას დასჯერდა.
Consistency, creativity and control ????
— EA SPORTS FC (@EASPORTSFC) November 14, 2024
Mateo Retegui has been named as @SerieA's October Player of the Month pic.twitter.com/IWJFZ5GJHq
კვარაცხელიას გარდა, ოქტომბრის თვის საუკეთესო ფეხბურთელის ჯილდოზე იასინ ადლი (ფიორენტინა), ფრანსისკო კონსეისაო (იუვენტუსი), მატეო რეტეგი (ატალანტა), ნუნო ტავარეში (ლაციო) და მარკუს ტურამი (ინტერი) იყვნენ წარდგენილნი. ოქტომბერში, ქართველმა ფეხბურთელმა ორი გოლი გაიტანა.
ქართველმა შემტევმა სერია A-ს მიმდინარე სეზონში 12 მატჩი ჩაატარა, 5 გოლი გაიტანა და 1 საგოლე გადაცემა შეასრულა. „ინტერთან“ თამაშის შემდეგ ხვიჩა საქართველოს ნაკრებში გამოემგზავრა და ეროვნულ გუნდს უახლოეს საათებში შეუერთდება.
