„შეცდომის დაშვების უფლება არ გვაქვს“ - ზინჩენკო საქართველოსთან მატჩზე

უკრაინის ნაკრებისა და ლონდონის „არსენალის“ ფეხბურთელმა, ოლეკსანდრ ზინჩენკომ საქართველოს ნაკრებთან დაგეგმილი მატჩის შესახებ ისაუბრა და ორ გუნდს შორის პოლონეთში გამართული მატჩიც შეაფასა, რომელიც უკრაინელთა გამარჯვებით დასრულდა.

- პირველ მატჩს ალბათ ტელევიზორში უყურე. როგორ შეაფასებდი იმ თამაშს?

„მახსოვს, რომ ძალიან ცუდი მინდორი იყო და ვერც ერთმა გუნდმა ფეხბურთი თითქმის ვერ ითამაშა. წინა პლანზე ორთაბრძოლები იყო გამოსული. ვფიქრობ, თუ ახლა ჩვენს საუკეთესო თამაშს ვაჩვენებთ, მოგება შეგვიძლია“.

- ახლა მოედანი უკეთესი იქნება, მაგრამ გულშემატკივრების უმეტესობა საქართველოსკენ იქნება.

„რთული მატჩი გველის. რა თქმა უნდა, ვემზადებით ამისთვის. გვესმის, რაოდენ მნიშვნელოვანი თამაში გველოდება, ამიტომ ახლა შეცდომის დაშვების უფლება არ გვაქვს“.

შეგახსენებთ, რომ ერთა ლიგის მეხუთე ტურში უკრაინისა და საქართველოს ნაკრებების მატჩი ბათუმში 16 ნოემბერს გაიმართება, ხოლო მეექვსე ტურში საქართველოს ნაკრები გასვლაზე ჩეხეთის ეროვნულ გუნდს დაუპირისპირდება. მატჩი 14 ოქტომბერს თბილისის დროით 20:00 საათზე გაიმართება.

აქვე გეტყვით, რომ ამ დროისთვის უკრაინის ნაკრები 4 ქულით ერთა ლიგის B1 ჯგუფის ბოლო ადგილზეა. ჯგუფს ჩეხეთი 7 ქულით ლიდერობს, ხოლო მეორე და მესამე ადგილებს საქართველოს და ალბანეთის ეროვნული გუნდები იყოფენ.