როდრიგო ბენტანკურს 7-მატჩიანი დისკვალიფიკაცია ემუქრება
„ტოტენჰემის“ ნახევარმცველს, როდრიგო ბენტანკურს, მისი თანაგუნდელის, ჰონგ-მინ სონის მიმართ გაკეთებული გამონათქვამის გამო, დისკვალიფიკაცია ემუქრება.
ივნისში ურუგვაელი ფეხბურთელი ერთ-ერთ სატელევიზიო შოუში იყო სტუმრად, როდესაც წამყვანმა მას სონის მაისური სთხოვა, რაზეც ბენტანკურმა უპასუხა: „სონი? მისი ბიძაშვილის მაისურიც შეიძლება, რადგან ისინი ყველანი ერთმანეთს ჰგვანან“.
ამის გამო, ინგლისის ფეხბურთის ასოციაციამ ბენტანკური რასიზმში დაადანაშაულა.
როგორც Daily Mail-ი წერს, ურუგვაელი შესაძლოა ხანგრძლივი დისკვალიფიკაციით დასაჯონ.
გამოცემას რამდენიმე წყარომ დაუდასტურა, რომ საუბარია 7-მატჩიან დისკვალიფიკაციაზე, თუმცა ეს რიცხვი საბოლოოდ ჯერ არ არის დადასტურებული.
