“აქ ცხოვრება და თამაში მნიშვნელოვანია“ - ნეიმარი საკუთარ მომავალზე

როგორც მოგეხსენებათ, 1-წლიანი პაუზის შემდეგ, ნეიმარი დაბრუნდა, თუმცა კვლავ ტრავმა მიიღო და ჯერჯერობით მისი დაბრუნების თარიღი უცნობია.

ამ ფაქტის შემდეგ, სპორტულ მედიაში გაჩნდა საუბრები, რომ ალ ჰილალი მას კონტრაქტს არ გაუხანგრძლივებს.

ამასთან დაკავშირებით, ბრაზილიელმა სუპერვარსკვლავმა დუმილი დაარღვია და კომენტარი გააკეთა.

ნეიმარი:

„ასეთ ქვეყანაში თამაშის და ცხოვრების შესაძლებლობა ხალხისთვის ძალიან მნიშვნელოვანია. მე ყოველთვის ვამბობდი, რომ აქ კარგად მიმიღეს. ბედნიერი და დარწმუნებული ვარ, რომ მომავალში აქ სხვა ვარსკვლავებიც ჩამოვლენ. ვფიქრობ, ყველას უნდა ჰქონდეს იმის განცდის შესაძლებლობა, რაც მე აქ განვიცადე. ვფიქრობ, ეს ერთ-ერთ საუკეთესო პროექტია, რაც კი ოდესმე მინახავს. ჯერჯერობით არსად წასვლას არ ვგეგმავ.“

შეგახსენებთ, რომ 32 წლის შემტევს ალ ჰილალთან კონტრაქტი 2025 წლის ივნისში ეწურება, თუმცა მის ხელშეკრულებაში ჩადებულია პუნქტი, რომლის მიხედვითაც, მხარეებს შორის შეთანხმების შემთხვევაში, მას კიდევ 1 წლით შეეძლება საუდის არაბეთში თამაში.

ასევე შეგახსენებთ, ნეიმარი ალ ჰილალს 2023 წელს შეუერთდა და გამუდმებით ტრავმები ტანჯავს. დღემდე, ყველა ტურნირზე ერთად 7 მატჩში მიიღო მონაწილეობა, 1 გოლი გაიტანა და 3 საგოლე გადაცემა შეასრულა.