„კონტე ფეხბურთელებს ფანტაზიას უხშობს“ - კასანოსა და ადანის ანალიზი
საფეხბურთო გადაცემა Viva el Futbol-ის ეპიზოდში დანიელ ადანმა და ანტონიო კასანომ, კონტეს მხრიდან კვარაცხელიას გამოყენების შესახებ დისკუსია გამართეს.
კასანო:
„კვარაცხელია აღარ არის იგივე მოთამაშე, რომელიც სპალეტის ხელში იყო. მე მაქვს კითხვა: ის რაღაც კარგად აკეთებს ნაპოლისთვის, თუ პირიქით, გუნდს რაიმეს აკლებს?“
ადანი:
„კონტემ გუნდი მთლიანად გადატვირთა. ორი წლის წინ მოგებული სკუდეტო უკვე სრულად არის დავიწყებული. მან გუნდს უთხრა, რომ მათ თამაში ისევ მე-10 ადგილიდან უნდა დაეწყოთ. თუ, ნაპოლი ჩემპიონატს მეათე ადგილზე დაასრულებს, ეს კვარასა და ლობოტკას ბრალი იქნება. მეეჭვება, რომ კვარას სახეზე ღიმილი ისევ ვიხილოთ, რადგან მას გუნდისთვის თავის შეწირვა უწევს“.
კასანო:
„კვარაცხელიამ ინტერთან მატჩში დაცვაში კარგად ითამაშა და რიგ მომენტებში მან ეს ძალიან ემოციურად აღნიშნა, ის თითქოს ზეიმობდა. კონტე თავისი მოთამაშეების სისხლში აღწევს. თუმცა ამავდროულად ის მათ ფანტაზიასაც ართმევს, უხშობს. არ ვიცი რა კომპრომისს შეიძლება მიაღწიონ, მაგრამ რაღაც გზა უნდა გამოინახოს“.
ადანი:
„კვარა ძალისხმევით კმაყოფილია. მაგრამ, თუ მას შეუძლია თავისუფლად ითამაშოს და თავის სტილში ჩვეული გიჟური დრიბლინგი განახორციელოს, ეს არის კომპრომისი. ეს არის ძალისხმევის გზა, რომელიც სამოთხეს მიგაახლოებთ. ჩემი აზრით, კონტე გუნდის რწმენის მოგზაურობაში წინ მიუძღვის“.
კვარაცხელიას ბოლო დროს იტალიური პრესა უარგუმენტოდ აკრიტიკებდა, თუმცა კონტეს სათამაშო სტილი ეტაპობრივად გამოიკვეთა და გამოჩნდა, რომ გუნდი საკმაოდ არასანახაობრივ და პრაგმატ ფეხბურთს აჩვენებს, ხვიჩას კი ამ სქემაში თავისი როლი აქვს, რომელიც „ინტერთან“ საკმაოდ მაღალ დონეზე შეასრულა. შეფასებებშიც ნეაპოლელთა მხრიდან ყველაზე მაღალი ქულები დაიმსახურა.
თუმცა, სულ სხვა საქმეა ის, რომ ასეთი სტილის გუნდში კვარაცხელიას მსგავსი ფეხბურთელის ნიჭი ცალსახად შეზღუდულია. იტალიური მედია სეზონის ბოლოს ხვიჩას წასვლის შანსებს საკმაოდ მაღალ შანსებს უწერს.
