„ერთი-ერთზე ნებისმიერ მეტოქესთან სახიფათოა“ - ქლევერლიმ ჩაკვეზე ისაუბრა
ინგლისური „უოტფორდის“ მთავარმა მწვრთნელმა, ტომ ქლევერლიმ Sky Sports-თან ინტერვიუს დროს გიორგი ჩაკვეტაძის შესახებაც ისაუბრა და ქართველი ფეხბურთელის მიმართ სიმპათიები ვერ დამალა.
რას ამბობს ქლევერლი:
„ის გამოჩენილი მოთამაშეა და თუ კარგ თამაშს გოლებსაც დაუმატებს, საზღვარი არ ექნება. მისი სათამაშო ინტელექტი და სივრცის ათვისების უნარი საოცარია, მაგრამ როდესაც ბურთს იღებს და წინ მიდის, ამას ისე აკეთებს, რომ მსგავსი რამ წარსულში იშვიათად მაქვს ნანახი. მეტოქესთან პირისპირ თამაშისას, ის ყველა გუნდისთვის საშიშია“.
ჩემპიონშიფის გასულ ტურში, „უოტფორდმა“ „ოქსფორდი“ მინიმალური სხვაობით, 1:0 დაამარცხა, გიორგი ჩაკვეტაძე კი მატჩის საუკეთესო ფეხბურთელად დასახელდა.
ჩაკვეს მომენტები „ოქსფორდთან“:
