გულიაშვილი იტალიაში? - სერია A-ს კლუბი რეკორდულ თანხას იხდის
საქართველოს ნაკრების და ბოსნია & ჰერცეგოვინული კლუბის, „სარაევოს“ შემტევი, გიორგი გულიაშვილი შესაძლოა, იტალიის ჩემპიონატში ვიხილოთ.
„სარაევოსთან“ დაახლოებული სააგენტო, fkz.zone-ის ინფორმაციით, სერია A-ს კლუბი „ბოლონია“ ქართველი ფეხბურთელის სანაცვლოდ ბოსნიურ გუნდს 4 705 000 ევროს სთავაზობს.
ამავე გვერდის ცნობით, თუ „სარაევოს“ ხელმძღვანელები „ბოლონიას“ შეთავაზებას დათანხმდებიან, გულიაშვილი როგორც კლუბის, ისე ბოსნია & ჰერცეგოვინას ჩემპიონატის ისტორიაში ყველაზე ძვირად გაყიდული ფეხბურთელი გახდება. სააგენტო წერს, რომ მხარეებს შორის შეთანხმება ჯერ არ მიღწეულა და მოლაპარაკებები ამ დრომდე მიმდინარეობს.
View this post on Instagram
გიორგი გულიაშვილი „სარაევოში“ 2022 წლიდან ირიცხება და ამ დრომდე, ბოსნიური გუნდის შემადგენლობაში ჩატარებულ 30 მატჩში 11 გოლი გაიტანა და 5 საგოლე გადაცემა შეასრულა.
