საუკეთესო მეკარეები 21-ე საუკუნეში | Goal.com-ის რეიტინგი

Goal.com-მა 21 საუკუნეში პრემიერ ლიგაში 25 საუკეთესო მეკარის რეიტინგი შეადგინა. წარმოგიდგენთ TOP-10-ს.

1. ჯანლუიჯი ბუფონი

2001 წელს, „იუვენტუსმა“ ბუფონში 53 მილიონი ევრო გადაიხადა და ის 17 წლის განმავლობაში, მსოფლიოში ყველაზე ძვირადღირებულ მეკარე იყო.

ჯიჯი „სკუადრა აძურაში“ ჩატარებული 176 მატჩით, იტალიის ნაკრების რეკორდსმენია მეკარეებს შორის, თამაშების რაოდენობით, ხოლო ევროპული ნაკრებების საერთო რეკორდსმენებს შორის, მეოთხე ადგილს იკავებს.

ბუფონი საკლუბო კარიერის განმავლობაში, „პარმაში“, „იუვენტუსში“ და „პარი სენ-ჟერმენში“ თამაშობდა. მან 10-ჯერ სკუდეტო, 6-ჯერ კოპა იტალია, 6-ჯერ იტალიის სუპერთასი, ერთხელ საფრანგეთის ლიგა 1 და ერთხელ უეფას თასი მოიგო. იტალიის ნაკრების შემადგენლობაში კი 2006 წელს მსოფლიოს ჩემპიონი გახდა.

2. მანუელ ნოიერი

ნოიერი „ბაიერნში“ 2011 წელს გელზენკირხენის „შალკედან“ გადავიდა და მას შემდეგ ბავარიული გრანდის უცვლელი პირველი ნომერია.

„ბაიერნის“ მაისურით, ნოიერმა ყველა ტურნირზე 529 მატჩი ჩაატარა, ორჯერ მოიგო ჩემპიონთა ლიგა, 11-ჯერ - ბუნდესლიგა, ხუთჯერ - გერმანიის თასი და ექვსჯერ - გერმანიის სუპერთასი.

აღსანიშნავია, რომ გერმანელი 38 წლისაა და ჯერ კიდევ თამაშობს.

3. იკერ კასილასი

კასილასი ესპანური ფეხბურთის ისტორიაში ერთ-ერთი ყველაზე ტიტულიანი მოთამაშეა.

იკერმა 2008 და 2012 წლებში ევროპის ჩემპიონობა იზეიმა, 2010 წელს კი მსოფლიო ჩემპიონი გახდა. მადრიდის „რეალთან“ ერთად, მან 19 ტიტულის მოგება შეძლო.

4. პეტრ ჩეხი

ლონდონის „ჩელსის“ რიგებში, ჩეხმა მეკარემ 494 შეხვედრა გამართა და კლუბთან ერთად პრემიერ ლიგა ოთხჯერ მოიგო, ხოლო ჩემპიონთა ლიგის გამარჯვებული ერთხელ გახდა.

„არსენალის“ რიგებში კი, პეტრმა 139 შეხვედრა ჩაატარა, სადაც ინგლისის თასი ერთხელ მოიპოვა.

2002 წელს, პეტრ ჩეხმა ახალი სპორტის სახეობა აირჩია და ჰოკეის თამაში დაიწყო. როგორც ფეხბურთში, ისევე ჰოკეიში, ის მეკარის პოზიციაზე მოგვევლინა.

5. ტიბო კურტუა

ბელგიელი მეკარე უკვე იმდენი ხანია თამაშობს, რთული დასაჯერებელია, რომ ის 32 წლისაა.

2003 წელს ფეხბურთის ისტორიის და სტატისტიკის საერთაშორისო ფედერაციამ კურტუას საუკეთესო მეკარის წოდება მიანიჭა. ის ასევე ოქროს ხელთათმანის მფლობელია.

6. ალისონი

იშვიათია, როდესაც მეკარეს შეუძლია ტრანსფორმაციული ეფექტი იქონიოს გუნდზე, მაგრამ უნდა ითქვას, რომ ალისონ ბეკერი ჩვეულებრივი მეკარე არ არის.

რა თქმა უნდა, „ლივერპულმა“ ამის შესახებ ჯერ კიდევ მანამდე იცოდა, სანამ მას „რომადან“ რეკორდულ ფასად წამოიყვანდა. ჯერ კიდევ მაშინ ალისონს უწოდებდნენ „მესის მეკარეებს შორის“.

7. ოლივერ კანი

ოლივერ კანს „ბაიერნის“ შემადგენლობაში 8-ჯერ ბუნდესლიგა, 6-ჯერ გერმანიის თასი, თითოჯერ კი უეფას თასი, ჩემპიონთა ლიგა და საკონტინენტთაშორისო თასი აქვს მოგებული.

8. ედვინ ვან დერ სარი

ვან დერ სარი 90-იან წლებში „აიაქსის“ საკვანძო მოთამაშე იყო, რომელიც თავის მაღალ სტანდარტებს 30 წლის განმავლობაში ინარჩუნებდა. 2011 წელს, ის 40 წლის ასაკაში, პრემიერ-ლიგის ყველაზე ასაკიანი გამარჯვებული გახდა.

ნოიერიც კი აღიარებდა, რომ ედვინ ვან დერ სარი მისი შთაგონების წყარო იყო.