„ნაპოლიდან“ მთავარი გმირი იყო“ | იტალიური მედია კვარას აფასებს

იტალიის სერია A-ს მე-12 ტურის ცენტრალურ მატჩში, ხვიჩა კვარაცხელიას „ნაპოლი“ სტუმრად „ინტერს“ დაუპირისპირდა და ფრედ, 1:1 ითამაშა.

ხვიჩა კვარაცხელია ნეაპოლური გუნდის სასტარტო შემადგენლობაში იყო და ბოლომდე შეუცვლელად ითამაშა. შეხვედრის დასრულების შემდეგ კი იტალიურმა მედიამ ქართველი ფეხბურთელის გამოსვლა შეაფასა.

კვარას მომენტები ინტერთან:

რას წერს მედია:

Calcionapoli24 – 5.5 ქულა: დარტყმამდე კარგი რეიდით მივიდა, თუმცა, ზომერს ვერ აჯობა, შემდეგ კი აჩერბიმ წამით დაასწრო. აქტიურობდა, თუმცა, თანაგუნდელებთან მიმართებით ყოველთვის ზუსტი არ ყოფილა. მეორე ტაიმში შედარებით პასიური გახდა.

Calcionapoli1926 – 6 ქულა: მატჩის პირველივე წამებმა გვაჩვენა, თუ როგორი თამაში ექნებოდა. დაცვაში პროდუქტიული იყო და ოლივეირასთან ერთად ორმაგ დაცვას თამაშობდა. იმის მიუხედავად, რომ შეტევაში ისეთ გავლენას ვერ ახდენდა, როგორსაც გასულ შეხვედრებში, მაინც მატჩის გმირის ფუნქცია ითავა და „ნაპოლის“ შეტევებს ხელმძღვანელობდა. რა თქმა უნდა, მატჩის ბოლოს კონტე გაწეული სამუშაოსთვის შეაქებს.

Sportmediaset – 6 ქულა: თამაშის მიმდინარეობისას მისი მხრიდან ბევრი საინტერესო ინიციატივა ჩნდებოდა, თუმცა, თავისუფლება აკლდა.

Tuttonapoli – 6.5 ქულა: გუნდიდან გამორჩეული იყო და ზომერმა მისი დარტყმული ორჯერ დაბლოკა. მან ბევრი გაწირა და პარალელურად, უამრავ უხეშობას უძლებდა.

Calciomercato – 6 ქულა: პირველი გოლი მისი წყალობით გავიდა, შემდეგ კი მარცხნიდან სივრცე იპოვა, ბურთი ცენტრისკენ შეიტანა და დაარტყა, თუმცა, სიმძლავრემ უმტყუნა. დუმფრისს აიძულებდა, რომ უკან დარჩენილიყო, რადგან როდესაც კარისკენ მიდიოდა, ამას ხარისხიანად და სახიფათოდ აკეთებდა.

Tuttomercatoweb – 5.5 ქულა: სახიფათოდ დაიწყო, თუმცა გარკვეული დროის შემდეგ დაიკარგა.

12 ტურის შემდეგ სერია A-ს სატურნირო ცხრილს 26 ქულით კვლავ „ნაპოლი“ ლიდერობს, მეორე პოზიციაზე კი 25 ქულით „ატალანტა“ იმყოფება. რაც შეეხება „ინტერს“, სიმონე ინძაგის გუნდი მე-4 პოზიციას იკავებს. საგულისხმოა, რომ მე-2, მე-3 და მე-4 ადგილებს 25-25 ქულით „ატალანტა“, „ფიორენტინა“ და „ინტერი“ იყოფენ.

„ნაპოლი“ მომდევნო შეხვედრას სანაკრებო პაუზის დასრულების შემდეგ 24 „ნოემბერს“, სტუმრად „რომას“ წინააღმდეგ გამართავს.