კობეს ჩელენჯერის კვალიფიკაცია - ბასილაშვილი ფინალშია
იაპონიის ქალაქ კობეში ჩელენჯერის საკვალიფიკაციო ეტაპი მიმდინარეობს, სადაც მონაწილეობას ნიკოლოზ ბასილაშვილი იღებს.
ქართველი ჩოგბურთელი ნახევარფინალში ფილიპ ჰენინიგს დაუპირისპირდა და ორ სეტში 6:3 6:4 დაამარცხა.
პირველ სეტში ბასილაშვილმა ორჯერ შეძლო ბრეიკის მოპოვება, თუმცა ერთი საკუთარი ჩაწოდება მაინც დათმო, მაგრამ ამან შედეგზე გავლენა არ იქონია
მეორე სეტიც იდენტური სცენარით წარიმართა. ნიკოლოზი 2-ბრეიკიანი უპირატესობით 3:0-ს იგებდა, მაგრამ სამხრეთ აფრიკელმა ქართველის ერთი ჩაწოდების მოგერიება შეძლო.
ცნობისთვის, ბასილაშვილი კობეს ჩელენჯერის კვალიფიკაციის ფინალში მასპინძელ ჰიროკი მორიუას დაუპირისპირდება, რომელსაც მიმდინარე თვის პირველ რიცხვში შეხვდა და 6:3 6:4 დაამარცხა.
