„მალე კონორს გადაასწრებს“ | ჩეილ სონენის პროგნოზი ილიაზე
UFC-ის დიდების დარბაზის წევრმა, ჩეილ სონენმა ილია თოფურიაზე ილაპარაკა. ჩონენის თქმით, „ელ მატადორს“ დიდი დრო არ დასჭირდება, რათა კონორ მაკგრეგორს გადაასწროს და მასზე დიდი სუპერვარსკვლავი გახდეს.
„თოფურიას ჩხუბებს ესპანეთის პრემიერ-მინისტრიც თვალს ადევნებს და ილიას ყველა მოძრაობას იღებენ. მსოფლიოს უდიდესი ესპანელი მსახიობები და ფეხბურთელები მისი ჩხუბების სანახავად ჩამოდიან და UFC-ის ღონისძიებებს ესწრებიან.
თოფურია მიზანს არასდროს აცილებს. იგი ზუსტად ისეთი დონის მებრძოლია, როგორადაც თავს წარმოგვიჩვენს. ილიას მცირე პერიოდი დასჭირდება, რომ კონორს გადაასწროს. ამ ტრაექტორიით რომ გააგრძელოს, დაიჯერებთ თუ არა, მაკგრეგორს ჩამოიტოვებს“.
ცნობისთვის, ილიამ ბოლო ორ ბრძოლაში ქვემსუბუქი წონითი დივიზიონის ყველა დროის საუკეთესო ორი მებრძოლი დაანოკაუტა. „ელ მატადორმა“ ჯერ ალექსანდრ ვოლკანოვსკის მოუგო, შემდეგ კი მაქს ჰოლოუეი დააფინიშა.
