„პიოტრ იანს მერაბის დამარცხება შეუძლია“ | ანატოლი მალიხინი დვალიშვილზე

ანატოლი მალიხინი One Championship-ის სამი წონითი დივიზიონის ჩემპიონია. MMA-ის ქართველი გულშემატკივრები მას ძალიან კარგად იცნობენ. პიოტრ იანისა და ალჯამეინ სტერლინგის ჩხუბისას, მან და მერაბ დვალიშვილმა სანაძლეო დადეს და მალიხინმა „მანქანისთვის“ 50 000 აშშ დოლარის გადახდა გააჭიანურა.

ერთ-ერთი გამოცემისთვის მიცემულ ინტერვიუში, მალიხინს ჰკითხეს, ჰქონდა თუ არა მას დვალიშვილთან კონფლიქტი, რაზეც მან ასე უპასუხა: „მე და დვალიშვილს კონფლიქტი არ გვქონია, გაუგებრობა გვქონდა.

კონფლიქტს არანაირი ადგილი არ ჰქონია. ამბობდა, რუსული არ მესმისო, რის შემდეგაც, მას ხმა მიაწვდინეს და ყველაფერი აუხსნეს. რას ვფიქრობ რევანშზე? თუ პიოტრ იანი ფორმის პიკში იქნება, საერთოდ სხვა ბრძოლას ვიხილავთ. საერთოდ სხვა სურათი იქნება და ყოველთვის მზად ვარ, მასზე ფსონს ჩამოვიდე“.

ცნობისთვის, მალიხინმა რამდენჯერმე განაცხადა, რომ დვალიშვილს ფული სრულად გადაურიცხა, მაგრამ მერაბის თქმით, ეს სიმართლე არ ყოფილა. საბოლოოდ, როგორც ჩანს, მხარეებმა შეთანხმებას მიაღწიეს.