დავითაშვილის გოლი ლიგა 1-ის თვის საუკეთესოდ დასახელდა
ცოტა ხნის წინ ცნობილი გახდა, რომ ზურიკო დავითაშვილის გოლი ლიგა 1-ის თვის საუკეთესო გოლად დასახელდა.
5 ოქტომბერს, „ოსერთან“ საშინაო შეხვედრაში ქართველმა შემტევმა ჰეთ-თრიკი შეასრულა და მის მიერ გატანილი პირველი ბურთი ოქტომბრის თვის საუკეთესოდ დასახელდა.
???? Le but de Zuriko Davitashvili face à l’AJ Auxerre est élu but du mois en Ligue 1 ! ???? pic.twitter.com/J8L3guTUDc
— La Mise Au Vert (@LaMiseAuVert_) November 8, 2024
გარდა ამისა, ლიგა 1-ის ორგანიზატორებმა ოქტომბრის თვის საუკეთესო მოთამაშის პრიზზე სამი საუკეთესო შეარჩიეს და მათ შორის დავითაშვილიც იმყოფებოდა, თუმცა პრიზი პსჟ-ს მარცხენა გარემარბს ბრედლი ბარკოლას გადაეცა.
დავითაშვილმა ლიგა 1-ის მიმდინარე სეზონში 10 მატჩი ჩაატარა და თავისი გუნდის რიგებში ცალსახად საუკეთესოა. მის ანგარიშზე 5 გოლი და 2 საგოლე გადაცემაა. „სენტ ეტიენი“ ამ მომენტისთვის 10 ქულით მე-16 პოზიციაზე იმყოფება და გასავარდნ ზონაშია.
