მალიხინი: 10-ჯერ მეტი ჰონორარიც რომ მომცენ, UFC-ში არ გადავალ
One Championship-ის სამი წონითი დივიზიონის რუსი ჩემპიონი, ანატოლი მალიხინი ამბობს, რომ UFC-ში გადასვლას არც კი განიხილავს.
„მჯერა, რომ ყველა ადამიანი თავის ადგილას უნდა იყოს, მე კი იქ ვარ, სადაც უნდა ვიყო. UFC-დან კონტრაქტიც რომ გამომიგზავნონ და 10-ჯერ მეტი ჰონორარი შემომთავაზონ, მაინც არ გადავალ. მე არავის არ ვჭირდებოდი, მაგრამ ONE-ში ფეხზე დამაყენეს და ყველაფერი მომცეს“, - თქვა მალიხინმა.
შეგახსენებთ, რომ რუსმა მებრძოლმა ბოლოს ONE 166-ზე, რენე დე რიდერთან იჩხუბა და ის მესამე რაუნდში, ტექნიკური ნოკაუტით დაამარცხა. მის ანგარიშზე 14 გამარჯვება და არც ერთი მარცხია.
