ჰამანი: „პრობლემა სწორედ ამ ფეხბურთელშია“

წარსულში ცნობილი გერმანელი ფეხბურთელი დიტმარ ჰამანი უკანასკნელი თვეებია სხვადასხვა სპორტული ტელევიზიებისთვის საფეხბურთო მატჩების ანალიტიკას აწარმოებს და კომენტარებს თითქმის ყველა ევროპულ გრანდში მიმდინარე პროცესებზე აკეთებს. ბუნებრივია, მას მადრიდის „რეალის“ კრიზისის თაობაზეც ჰკითხეს, რომელმაც საკუთარ სტადიონზე „ბარსელონასთან“ და „მილანთან“ ზედიზედ ორი პრინციპული დათმო.

რას ამბობს ჰამანი

„ბლაუგრანასთან“ და როსონერისთან განცდილი მარცხები სპორტული მიზეზებით ნამდვილად არ იყო განპირობებული. მე ასე ვფიქრობ - „რეალის“ ფეხბურთელების უმეტესობა თვლის ასე, რომ კილიან მბაპე მათზე მეტ ხელფასს სრულიად უსამართლოდ იღებს, ეს ყველაფერი გუნდში ქაოსურ ატმოსფეროს ქმნის. მგონია, რომ სეზონის მიმდინარეობისას „ბლანკოსს“ კიდევ უფრო მეტი პრობლემები შეექმნება და თითქმის გამორიცხულია ამ გუნდმა ჩემპიონის ტიტული შეინარჩუნოს.

შეგახსენებთ, რომ ეს პირველი შემთხვევა არ არის, როდესაც ჰამანმა მსოფლიო ფეხბურთის ვარსკვლავი გააკრიტიკა. მბაპემდე მან ჰარი კეინის წინააღმდეგ გაილაშქრა, რომლის ტრანსფერსაც „ბაიერნის“ ხელმძღვანელობის მხრიდან სერიოზული შეცდომა უწოდა.