„ილია წლის საუკეთესო მებრძოლია“ - ბისპინგმა „მატადორი“ გამოარჩია
UFC-ის ყოფილმა მებრძოლმა და ამჟამად კომენტატორმა, მაიკლ ბისპინგმა 2024 წლის საუკეთესო მებრძოლებზე ისაუბრა და განაცხადა, რომ ამ წოდებას ილია თოფურია იმსახურებს.
რას ამბობს ბისპინგი:
„წლის მებრძოლი ილია თოფურიაა. მისი ორივე გამარჯვება საგრძნობლად უკეთესი იყო, ვიდრე პერეირას სამი გამარჯვება. პერეირა დომინანტია, ის მეტოქეებს ანადგურებს, მაგრამ რაც თოფურიამ გააკეთა, ახლოსაც ვერავინ მივა. მან ქვემსუბუქი წონის ყველა დროის საუკეთესო ჩემპიონი დაანოკაუტა, შემდეგ კი მაქს ჰოლოუეი გათიშა. თუ პერეირა თავის თავს გადაახტება და მაგომედ ანკალაევს წლის ბოლომდე შეებრძოლება, მაშინ საუკეთესო მებრძოლის სტატუსს დაიმსახურებს“.
შეგახსენებთ, რომ ილია თოფურიამ ქვემსუბუქი წონის საჩემპიონო ბრძოლაში ჯერ ალექსანედრ ვოლკანოვსკი დაამარცხა, შემდეგ კი ქამარი მაქს ჰოლოუეის წინააღმდეგ დაიცვა. „მატადორმა“ ორივე ბრძოლა ნოკაუტით მოიგო. საგულისხმოა, რომ ალექსანდრ ვოლკანოვსკისთვის ამ წონაში მარცხი პირველი იყო, მაქს ჰოლოუეი კი კარიერაში პირველად დამარცხდა ნოკაუტით.
