იაპონიის ჩელენჯერი - ბასილაშვილი 1/8 ფინალში დამარცხდა

სამხრეთ კორეიში მოგებული ჩელენჯერის შემდეგ, ნიკოლოზ ბასილაშვილმა იაპონიაში გადაინაცვლა და მაცუიამას ჩელენჯერზე მიიღო მონაწილეობა.

ქართველი ჩოგბურთელი 1/8 ფინალში ადგილობრივ შინტარო მოჩიზუკის დაუპირისპირდა და სამწუხაროდ ორ სეტში 4:6 4:6 დამარცხდა.

პირველი სეტი საკმაოდ დაძაბულად წარიმართა. მესამე გეიმში იაპონელმა ბრეიკი შეასრულა, წინ გავიდა და მოპოვებული უპირატესობა ხელიდან აღარ გაუშვა.

მეორე სეტში, ნიკოლოზმა საკუთარი ჩაწოდება კვლავ მესამე გეიმში დათმო, თუმცა უმალ უკუბრეიკი შეასრულა და წონასწორობა აღადგინა.

სამწუხაროდ, მეცხრე გეიმში იაპონელი გაცილებით უკეთესი იყო, ბრეიკი შეასრულა და მატჩზე ჩააწოდა. ნიკოლოზმა ორი მატჩ პოინტი გადაარჩინა, მაგრამ მესამეს ვეღარაფერი მოუხერხა.

შეგახსენებთ, რომ ამ მომენტისთვის, ქართველი ჩოგბურთელი ATP რეიტინგში 269 ქულით 213-ე ადგილზე იმყოფება.