“გამარჯვება სასიცოცხლოდ მნიშვნელოვანია“ - სიმეონეს და ენრიკეს კომენტარები

ჩემპიონთა ლიგის მორიგ ტურში საინტერესო დაპირისპირება გველოდება. პარი სენ ჟერმენი მადრიდის ატლეტიკოს უმასპინძლებს. მატჩის წინ, მთავარმა მწვრთნელებმა დიეგო სიმეონემ და ლუის ენრიკემ ჟურნალისტებთან ისაუბრეს.

ლუის ენრიკე:

„დიეგო სიმეონეს ძალიან კარგად ვიცნობ. ჩვენ ორივე ყოფილი ფეხბურთელები და ახლა მწვრთნელები ვართ. მის შრომას მადრიდის ატლეტიკოში ძალიან ვაფასებ. ის დიდებული სპეციალისტია. გამარჯვებაში თითოეული ფეხბურთელი უნდა დაგვეხმაროს.

ჩვენი მაქსიმუმი უნდა გავაკეთოთ. ატლეტიკო ევროპაში ერთ-ერთი ყველაზე რთულად დასამარცხებელი გუნდია. ანტუან გრიზმანს სხვადასხვა პოზიციებზე შეუძლია თამაში. ის ატლეტიკოსთვის სასიცოცხლოდ მნიშვნელოვანი ფეხბურთელია და მას დიდი ყურადღება უნდა მივაქციოთ."

სიმეონე:

„წინ მნიშვნელოვანი 3 ქულაა ასაღები, მაგრამ ძალიან რთული მეტოქე გვყავს. მომწონს მათი თამაშის სტილი. ბევრს მოძრაობენ და როტაციას მიმართავენ. ჩემთვის და ლუის ენრიკესთვის ეს დიდი მატჩია.

სიტუაციას ისიც ამძაფრებს, რომ ქულები ორივე გუნდს ჭირდება. ჩვენ ჩემპიონთა ლიგა კარგად ვერ დავიწყეთ და ახლა აქ გამარჯვება სასიცოცხლოდ მნიშვნელოვანია.“

შეგახსენებთ, რომ 3 ტურის შემდეგ, ატლეტიკოს 2 წაგება და 1 მოგება აქვს(3 ქულა). რაც შეეხება პსჟ-ს, ფრანგებმა 1 მოიგეს, 1 წააგეს და 1 ფრედ დაასრულეს(4 ქულა). ამ გუნდების მომავალი დაპირისპირება 6 ნოემბრით თარიღდება და თბილისის დროით 23:55-დან დაიწყება.