რონალდუმ კარიერაში 908-ე გოლი გაიტანა
„ალ ნასრის“ 39 წლის თავდამსხმელმა, კრიშტიანუ რონალდუმ, აზიის ჩემპიონთა ლიგის მე-4 ტურის მატჩში, კარიერაში 309-ე გოლი გაიტანა.
პორტუგალიელი ფეხბურთელის გუნდი „ალ აინს“ ხვდება. ამ წუთისთვის ანგარიში 3:1-ია.
მიმდინარე სეზონზე, რონალდუმ ყველა ტურნირის 13 მატჩში მიიღო მონაწილეობა. მის ანგარიშზე 9 გოლი და 3 ასისტია.
ცნობისთვის, რონალდუ საუდის არაბეთში 2023 წლის იანვრიდან თამაშობს, სადაც „მანჩესტერ იუნაიტედიდან“ გადავიდა. ამ პერიოდის განმავლობაში „ალ-ნასრმა“ მხოლოდ „არაბული ქვეყნების ჩემპიონთა თასის“ მოგება შეძლო, რომელიც ამხანაგურ ტურნირად ითვლება.
პორტუგალიელს „ალ ნასრთან“ კონტრაქტი 2025 წლის ზაფხულამდე აკავშირებს. Transfermarkt-ზე რონალდუს ღირებულება 15 მილიონი ევროა.