ისტორიული მედალი პარასნოუბორდში - ლუკა ლომაიას წარმატება
ლუკა ლომაიამ არაბთა გაერთიანებული საამიროების ქალაქ დუბაიში პარასნოუბორდში ისტორიულ წარმატებას მიაღწია და ბრინჯაოს მედალი მოიპოვა, რაც სპორტის ამ სახეობაში ქართული პარასპორტის ისტორიაში აქამდე არც ერთ ქართველს არ გაუკეთებია.
აზიის კონტინენტურ თასზე გამართულ შეჯიბრებაში, სადაც ათი ქვეყნის წარმომადგენლები მონაწილეობდნენ, ქართველმა პარასპორტსმენმა ბენქდ სლალომ სნოუბორდის ორ დისციპლინაში იასპარეზა და ორივეში ბრინჯაოს მედალი მოიპოვა. აღსანიშნავია, რომ ტურნირის მიმდინარეობისას, ლომაიამ ნეკნი გაიბზარა, თუმცა ტრავმის მიუხედავად საპრიზო ადგილზე გასვლა შეძლო.
მომდევნო თვეების განმავლობაში ზამთრის სეზონზე ის ექვს საერთაშორისო ტურნირზე გამოვა, რაც კანადაში გასამართ მსოფლიოს ჩემპიონატზე ასპარეზობისთვის აუცილებელ საკვალიფიკაციო ქულების დაგროვების საშუალებას მისცემს.
