ლუკმენის დუბლი - ნაპოლი ატალანტასთან უშანსოდ დამარცხდა
სერია ა-ს მორიგ ტურში ნაპოლიმ ატალანტას უმასპინძლა და უშანსოდ 0:3 დამარცხდა. ბერგამოული გუნდი მთელი მატჩის განმავლობაში აქტიურობდა, რაც ანგარიშშიც აისახა.
პირველი გოლი საკმაოდ მალევე გავიდა. ადემოლა ლუკმენმა მე-10 წუთზე გაისროლა და ატალანტა დააწინაურა. ნიგერიელ ფეხბურთელს საგოლე პასი დე კეტელარემ გაუკეთა.
მეორე გოლიც ამ ორი ფეხბურთელის შესრულებით ვიხილეთ. ბელგიელის პასი და ლუკმენის დუბლი. პირველ ტაიმში ნაპოლი ბევრს ცდილობდა, მაგრამ მეორე ტაიმში მთლიანად მოიშალა. საბოლოო წერტილი 93-ე წუთზე რეტეგიმ დასვა.
რაც შეეხება ხვიჩა კვარაცხელიას, მარცხენა ფლანგზე არაერთი დრიბლინგის მცდელობა ჰქონდა, მაგრამ ღირებული ვერაფერი შექმნა. ანტონიო კონტემ ის 71-ე წუთზე გაიყვანა.
ცნობისთვის, ამ წაგების შემდეგ, პარტენოპეის სატურნირო ცხრილში 25 ქულა დარჩა და ჯერჯერობით პირველ ადგილს საფრთხე არ ემუქრება.
მე-11 ტურის მატჩი არ უთამაშია ინტერს, რომელიც გამარჯვების შემთხვევაში 24 ქულას დააგროვებს და სწორედ ნერაძური იქნება ნაპოლის უახლოესი მდევარი.
ხვიჩა VS ატალანტა
