მამუკელაშვილის 1 ქულა - სპურსმა მინესოტას მოუგო
NBA-ს რეგულარული სეზონის მორიგ ტურში სან ანტონიომ მინესოტას უმასპინძლა და 113:103 დაამარცხა.
სანდრო მამუკელაშვილს ძალიან ცოტა დრო მიეცა. ქართველმა კალათბურთელმა პარკეტზე 1 წუთი და 19 წამი დაყო. ამ პერიოდის განმავლობაში კი მხოლოდ 1 ქულა დააგროვა.
სან ანტონიოს მხრიდან ყველაზე გამორჩეული კელდონ ჯონსონი იყო, რომელმაც არასრულ 30 წუთში 25 ქულას და 8 მოხსნას მოუყარა თავი.
ამ გამარჯვების შემდეგ, სან ანტონიო NBA-ს დასავლეთ კონფერენციაში მე-10 ადგილზე იმყოფება.
სპურსმა 6 ჩატარებული მატჩიდან სამი მოიგო და სამი წააგო. შემდეგ ტურში, ქართველი კალათბურთელის გუნდი კლიპერსს დაუპირისპირდება. აღნიშნული მატჩი 5 ნოემბრით თარიღდება და თბილისის დროით 07:30-დან დაიწყება.
BACK-TO-BACK DUBS ????@FrostBank | #Sponsored pic.twitter.com/o2B0caCftq
— San Antonio Spurs (@spurs) November 3, 2024
