ლობჟანიძესთან შეხვედრამდე - მესი ატლანტას საშიშ მეტოქედ მიიჩნევს

ცნობილმა იტალიელმა ინსაიდერმა ფაბრიციო რომანომ რამდენიმე დღის წინ ლიონელ მესის ვრცელი ინტერვიუ ჩამოართვა, სადაც „ელ მონგოლიკომ“ თითქმის ყველა თემაზე ამომწურავად ისაუბრა. ქართველი გულშემატკივრებისთვის განსაკუთრებით საინტერესო იყო მისი მოსაზრება MLS-ის პლეი ოფის მერვედფინალური ეტაპის საპასუხო მატჩის თაობაზე, სადაც 37 წლის არგენტინელი და მისი თანაგუნდელები „ატლანტას“ შეხვდებიან, რომლის ლიდერიც საბა ლობჟანიძეა.

რას ამბობს მესი

არამარტო „ატლანტასთან“ ერთი კვირის წინ ჩატარებულ მატჩში, არამედ მთელი წლის განმავლობაში ბევრი სულელური შეცდომები დავუშვით, რომლის შედეგადაც ზოგჯერ გოლი მივიღეთ, ზოგჯერ კი გადავრჩით. ყოველივე ამის გამეორება გათამაშების ამ ეტაპზე დაუშვებელია, რადგან პლეი ოფში შეცდომები გაცილებით ძვირად ფასობს და თანაც, საკმაოდ საშიში მეტოქე გვყავს. უნდა ვიყოთ იმაზე ძლიერები, ვიდრე ოდესმე ვყოფილვართ და მეტოქეებთან საკუთარი უპირატესობა მაქსიმალურად გამოვიყენოთ.

შეგახსენებთ, რომ გასულ შაბათს „ინტერ მაიამიმ“ საკუთარ სტადიონზე „ატლანტა იუნაიტედი“ დაძაბულ ბრძოლაში 2:1 დაამარცხა. სტუმართა შორის ერთადერთი გოლი ლობჟანიძემ გაიტანა, ხოლო მასპინძლების შემადგენლობაში მეორე ბურთის დროს ჟორდი ალბას ასისტენტობა მესიმ გაუწია. ამ გუნდებს შორის საპასუხო მატჩი ხვალ, თბილისის დროით, ღამის 03:00 საათზე დაიწყება.