იუტა ჯაზთან 10 ქულა ჩააგდო - მამუკელაშვილის კარგი მატჩი და გამარჯვება

NBA-ში „იუტა ჯაზი’’ „სან ანტონიოსთან’’ 88:106 დამარცხდა.

როგორც იქნა „სან ანტონიოს'' მთავარმა მწვრთნელმა გრეგ პოპოვიჩმა სანდრო მამუკელაშვილს სათამაშო დრო გაუზარდა, ქართველმა კალათბურთელმა 10:39 წუთში 10 ქულა ჩააგდო და 1 მოხსნა შეასრულა. სანდრომ 3-დან 3 ორქულიანი, 2-დან 1 სამქულიანი და 1-დან 1 საჯარიმო ტყორცნა გამოიყენა.

სანდროს მომენტები იუტა ჯაზთან

შეხვედრაში ყველაზე შედეგიანია სანდროს ფრანგი თანაგუნდელი ვემბანიამა იყო, რომელმაც 25 ქულა ჩააგდო. მას კრის პოლი მოჰყვება 19 ქულით.

აღმოსავლეთ კონფერენციაში „სან ანტონიო სპურსმა’’ 5-დან 2 შეხვედრა მოიგო, 3 - დათმო. მომდევნო მატჩს სანდროს გუნდი „მინესოტასთან’’ 3 ნოემბერს გამართავს.