კვერნაძის საგოლე პასი - ფროზინონემ სუდტიროლთან ქულა აიღო
სერია ბ-ს მორიგ ტურში ფროზინონე სუდტიროლს ესტუმრა. მატჩი ფრედ 1:1 დასრულდა და გუნდებმა ქულები გაიყვეს.
აღნიშნული ქულის მოპოვებაში დიდი როლი გიორგი კვერნაძემ ითამაშა. ქართველი ფეხბურთელი ძირითად შემადგენლობაში მოგვევლინა და მინდორზე 90 წუთი დაყო.
პირველი უგოლო ტაიმის შემდეგ, მეორე ნახევარში სტუმრები გააქტიურდნენ. ერთ-ერთი შეტევის დროს, კვერნაძემ საგოლე პასი გააკეთა და მისი გადაცემა მარკიზამ გამოიყენა. 74-ე წუთზე ოდოგვუმ ანგარიში გაათანაბრა და მატჩის საბოლოო შედეგი 1:1 დააფიქსირა.
ცნობისთვის, ამ მატჩის შემდეგ, ფროზინონეს 8 ქულა დაუგროვდა და სატურნირო ცხრილში ბოლო ადგილზე იმყოფება.
რაც შეეხება კვერნაძეს, მას მიმდინარე სეზონში ყველა ტურნირზე ერთად 10 მატჩი დაუგროვდა და დღეს პირველი შედეგიანი მოქმედება(საგოლე პასი) ჰქონდა.
