“ისე ითამაშა, როგორც ნამდვილმა ჩემპიონმა“ - იტალიური მედია კვარაზე

სერია ა-ს მორიგ ტურში ნაპოლი მილანს ესტუმრა და 2:0 დაამარცხა. მეორე გოლი ხვიჩა კვარაცხელიამ გამოიტანა, რომელიც ძალზედ ეფექტური გამოდგა.

მატჩის დასრულების შემდეგ, ქართველი ფეხბურთელი სხვადასხვა გამოცემებმა შეაფასეს.

Tuttomercatoweb:

„გოლი იდეალურ დროს გაიტანა. იმ პერიოდში მილანი წონასწორობის აღდგენასთან ძალიან ახლოს იყო. ბრწყინვალე დარტყმით, შესანიშნავი გოლი გაიტანა. კვარაცხელიას გაზრდის პროცესი გრძელდება, განსაკუთრებით დამაგვირგვინებელ ფაზაში.“

Calciomercato:

„დაბალ ტემპში გაბრწყინება უჭირს, მაგრამ საოცარი გოლის გასატანად მხოლოდ ერთი მომენტი სჭირდება. ჩემპიონატში უკვე 5 გოლი დაუგროვდა.“

Tuttonapoli:

„ისე ითამაშა, როგორც ნამდვილმა ჩემპიონმა. სცენაზე გავიდა და საჯარიმოს გარედან დიდებული დარტყმით გაიტანა. ხვიჩას გაზრდის პროცესი გრძელდება.“

შეგახსენებთ, რომ ხვიჩა კვარაცხელიამ ნაპოლიში მე-100 მატჩი ჩაატარა და 30-ე გოლი გაიტანა. მიმდინარე სეზონში კი 5 გოლი დაუგროვდა. რაც შეეხება პარტენოპეის, კონტეს გუნდი სერია ა-ს 25 ქულით დამაჯერებლად ლიდერობს.