საქართველოს ქალთა ნაკრები ირლანდიასთან განმეორებით მატჩშიც დამარცხდა
ქალთა ევროპის ჩემპიონატის საკვალიფიკაციო ეტაპის პლეი-ოფში საქართველოს ნაკრები ირლანდიას სტუმრად დაუპირისპირდა და სამწუხაროდ 0:3 დამარცხდა. ირის ანტმანის გუნდისთვის აღნიშნული ეტაპი დასრულებულია.
მთელი მატჩის განმავლობაში მასპინძლები ვარაუდობდნენ და გამუდმებით შეტევაში იმყოფებოდნენ.
ანგარიში ძალიან მალე, მე-3 წუთზე გაიხსნა. თავი რასელმა გამოიჩინა. სხვაობა ორამდე 31-ე წუთზე კარუზამ გაზარდა.
ლონდონის არსენალის ფეხბურთელს, მაკკიბს 35-ე წუთზე გოლის გატანის კარგი შანსი ჰქონდა, მაგრამ პენალტი დიდი მანძილით ააცილა კარს. მიუხედავად ამისა, 29 წლის შემტევმა მეორე ტაიმის 55-ე წუთზე ძლიერი დარტყმით მაინც მოახერხა თათია გაბუნიას კარის აღება და შეხვედრის საბოლოო შედეგი 3:0 დააფიქსირა.
შეგახსენებთ, რომ თბილისში გამართული მატჩი ირლანდიელთა სასარგებლოდ 6:0 დასრულდა და ორი მატჩის ჯამში 9:0 გაიმარჯვა.
