ნაკრების თამაშები უკრაინასთან და ჩეხეთთან - სად და როგორ გაიყიდება ბილეთები

16 ნოემბერს, საქართველო-უკრაინის მატჩზე დასასწრები ბილეთები ონლაინ რეჟიმში გაიყიდება და მისი რეალიზაცია TKT.GE-ზე 31 ოქტომბერს, 12:00 საათზე დაიწყება.

მატჩი ბათუმში გაიმართება, ბილეთის ფასი 10, 30 და 50 ლარი იქნება.

უეფას ერთა ლიგის 2024-2025 წლის სეზონის მეექვსე შეხვედრას საქართველოს ნაკრები ჩეხეთის წინააღმდეგ, 19 ნოემბერს გამართავს. მატჩი ჩეხეთში, ქალაქ ოლომუეცში გაიმართება.

საქართველოს გულშემატკივრებისათვის განკუთვნილი ბილეთების გაყიდვა 1-ელ ნოემბერს, 12:00 საათზე, TKT.GE-ს საშუალებით დაიწყება.

ბილეთის ფასი 13 ევროს ეკვივალენტი იქნება. თითოეულ მომხმარებელს მატჩზე დასასწრები მაქსიმუმ ორი ბილეთის შეძენა შეუძლია.

შეგახსენებთ, რომ ოქტომბერში საქართველოს ნაკრებმა ორი მატჩი გამართა და ორივეში მარცხი იწვნია. ვილი სანიოლის გუნდმა ჯერ გასვლაზე უკრაინასთან (0:1), შემდეგ კი შინ ალბანეთთან (0:1) წააგო.

წყარო: ეროვნული ნაკრები