კლუბმა დაადასტურა: ვახტანგ სალია ნიუკასლის ფეხბურთელია
17 წლის ქართველი ფეხბურთელი, ვახტანგ სალია ნიუკასლში ითამაშებს. როგორც კლუბის მიერ გავრცელებულ განცხადებაში წერია, ის გუნდს 2025 წლის აგვისტოში, მას შემდეგ შეუერთდება, რაც 18 წლის გახდება, მანამდე კი თბილისის „დინამოში“ დარჩება.
კლუბის სპორტულმა დირექტორმა, პოლ მიტჩელმა განაცხადა:
„გვიხარია, რომ სხვა წამყვან გუნდებს ვაჯობეთ და ვახტანგი გავიფორმეთ. ახალი ტალანტების პოვნა და მოზიდვა მდგრადი მომავლის მშენებლობის მნიშვნელოვანი ნაწილია, ამიტომაც ბაზარი ძალიან კონკურენტულია. მოუთმენლად ველით ვახტანგთან მუშაობას და ვუსურვებთ დარჩენილ დროში წარმატებას დინამო თბილისთან“.
შეგახსენებთ, რომ ვახო სალია თბილისის „დინამოს“ აკადემიის აღზრდილია და მთავარ გუნდში დებიუტი 2023 წელს ჰქონდა. მის ანგარიშზე 5 გოლი და 2 საგოლე გადაცემაა.
