„მანჩესტერ იუნაიტედს“ რუბენ ამორიმი ჩაიბარებს

„მანჩესტერ იუნაიტედის“ მთავარი მწვრთნელი რუბენ ამორიმი ხდება.

როგორც გავლენიანი სატრანსფერო ექსპერტი, ფაბრიციო რომანო წერს, მხარეებს შორის კონტრაქტის დეტალები და შეთანხმება 100%-ით მზად არის.

„ის არის ადამიანი, რომლის ნახვა სურს ყველას, ვინც მენეჯმენტშია. მიმდინარეობს მოლაპარაკებები „სპორტინგთან“ იმ საკითხთან დაკავშირებით, როგორ შეიძლება მოგვარდეს კლუბიდან ამორიმის წასვლა“, - წერს რომანო.

„მანჩესტერ იუნაიტედმა“ ერიკ ტენ ჰაგი მთავარი მწვრთნელის პოსტიდან 28 ოქტომბერს დაითხოვა.

9 ტურის შემდეგ, „წითელი ეშმაკები“ ინგლისის ჩემპიონატში მე-14 ადგილს იკავებს. გუნდს 11 ქულა აქვს.

რაც შეეხება ამორიმს, პორტუგალიელი სპეციალისტი „სპორტინგს“ 2020 წლიდან წრთვნის.