გოლი და საგოლე გადაცემა | გაგნიძის კარგი მატჩი

რუსეთის თასის ჯგუფური ეტაპის ბოლო ტურში, ლუკა გაგნიძის „დინამო მოსკოვი“ „კრილია სოვეტოვს“ დაუპირისპირდა. შეხვედრაში 9 გოლი გავიდა და ქართველი ფეხბურთელის გუნდმა 6:3 იმარჯვა, რის წყალობითაც, პლეიოფის საგზური მოიპოვა.

გაგნიძემ მატჩი შეუცვლელად ჩაატარა და ერთ-ერთი საუკეთესო იყო. 27-ე წუთზე, ლუკამ გოლიც გაიტანა. ახალგაზრდა ქართველმა ფეხბურთელმა საჯარიმოს მისადგომებიდან ზუსტად დაარტყა და ანგარიში 3:2 გახადა.

51-ე წუთზე, ლუკამ ლამაზი გადაცემა გააკეთა. მისი პასით დენის მაკაროვმა ისარგებლა და საკუთარი გუნდის უპირატესობა ორგოლიანი გახადა. დარჩენილ დროში კიდევ სამი ბურთი გავიდა, მაგრამ გაგნიძეს საგოლე მოქმედებაში მონაწილეობა არ მიუღია.

ცნობისთვის, გაგნიძის გუნდმა ჯგუფი 11 ქულით დაასრულა და მეორე ადგილი დაიკავა. პირველ პოზიციაზე 15 ქულით „სპარტაკი“ გავიდა.