პედულა: ნაპოლი ხვიჩასა და მის გარემოცვას უპატივცემულოდ ექცევა
ხვიჩა კვარაცხელიას კონტრაქტის თემის შესახებ ცნობილი იტალიელი ჟურნალისტი ალფრედო პედულა საუბრობს და ამბობს, რომ კლუბი ფეხბურთელისა და მისი აგენტის მიმართ უპატივცემულობას იჩენს.
„ეს რაც ხდება არის ფეხბურთელისა და მისი აგენტის, გარემოცვის მიმართ უპატივცემულობა. სკუდეტოს მოგების შემდეგ, კლუბი ვიქტორ ოსიმენს განსხვავებულად მოექცა და კარგი იქნებოდა კვარაცხელიას მიმართაც მსგავსი ნაბიჯები გადაედგათ. ვნახოთ, როგორ წარიმართება მხარეთა შორის მორიგი შეხვედრები“.
პედულა ერთადერთი არ არის, ვინც კვარაცხელიას მიმართ „ნაპოლის“ უპატივცემულობა აღნიშნა. ამას უკვე იტალიური მედიის დიდი ნაწილი კარგა ხანია ხედავს, თუმცა აურელიო დე ლაურენტისი თავისი გუნდის ლიდერს შესაბამისად მაინც არ აფასებს.
მოსალოდნელია, რომ კვარაცხელია სეზონის ბოლოს გუნდს დატოვებს. კონტრაქტის მიხედვით, ნეაპოლელთათვის ეს ბოლო შანსი იქნება, რომ ხვიჩა სარფიანად გაყიდონ.
