პირველი მამა-შვილი NBA-ში | ლებრონისა და ბრონის ისტორიული შედეგი და ლეიკერსის გამარჯვება
„ლოს ანჯელეს ლეიკერსმა“ NBA-ის რეგულარული სეზონი გამარჯვებით დაიწყო. ლებრონ ჯეიმსის გუნდი საკუთარ კედლებში „მინესოტა ტიმბერვულვზს“ დაუპირისპირდა და პირველ ტაიმში მოპოვებული უპირატესობა შეინარჩუნა - 110:103.
მატჩის მიმდინარეობისას ისტორიული მომენტიც ვიხილეთ. მეორე მეოთხედის დასრულებამდე 4 წუთით ადრე, ჯეიმსი და მისი შვილი, ბრონი ჯეიმსი პარკეტზე ერთდროულად შევიდნენ. ეს NBA-ის ისტორიაში პირველი შემთხვევაა, როცა მამა-შვილმა ოფიციალურ შეხვედრაში ერთად ითამაშეს.
LeBron James.
— NBA (@NBA) October 23, 2024
Bronny James.
The first father-son duo to play together in the NBA! pic.twitter.com/naadFLoPmh
ლებრონმა კიდევ ერთი მიღწევა მიითვალა. იგი მეორე კალათბურთელია, რომელიც NBA-ში 22-ე სეზონს ატარებს. ჯეიმსის გარდა, მსგავსი რამ ვინს კარტერს გაუკეთებია. „მეფემ“ ისტორიული მატჩი 16 ქულით, 5 მოხსნითა და 4 ასისტით დაასრულა. „ლეიკერსის“ რიგებში საუკეთესო კი ენტონი დევისი იყო - 36 ქულა, 16 მოხსნა, 3 დაფარება.
„მინესოტას“ ენტონი ედვარდსმა ულიდერა - 27 ქულა, 6 მოხსნა. ჯულიუს რენდლმა „ტიმბერვულვზის“ მაისურით ჩატარებული პირველი ოფიციალური მატჩი 16 ქულითა და 9 მოხსნით დაასრულა, რუდი გობერმა კი 13 ქულა და 14 მოხსნა მიითვალა.
