“გიჟური მოტივაცია გვაქვს“ - ლობჟანიძე ორლანდოს დამარცხების შემდეგ
MLS-ის რეგულარული სეზონის ბოლო ტურში ატლანტა იუნაიტედი ორლანდოს ესტუმრა და მძიმე ბრძოლაში 2:1 დაამარცხა. აღნიშნულ დაპირისპირებაში ანგარიში საბა ლობჟანიძემ გახსნა. ქართველმა ფეხბურთელმა თავი მე-7 წუთზე გამოიჩინა.
მატჩის დასრულების შემდეგ, ლობჟანიძე ადგილობრივ მედიას ესაუბრა.
რა თქვა საბამ?
„ეს ნამდვილი სიგიჟეა. პლეი-ოფში გასვლის ძალიან მცირე შანსი გვქონდა. მატჩის წინ, ერთმანეთს ვუთხარით, რომ ჩვენი თამაში უნდა მოგვეგო და სხვა მატჩების შედეგებს დავლოდებოდით. ჩვენ ძალიან იღბლიანები აღმოვჩნდით. მწვრთნელმაც იგივე გვითხრა. 100%-ით უნდა დავხარჯულიყავით და თამაში მოგვეგო.
რა თქმა უნდა, წინ ძალიან რთული დაპირისპირება გველოდება. ჩვენ ეს ყველაფერი თითქმის არაფრისგან შევქმენით და პლეი-ინში 100%-ით დავიხარჯებით. გიჟური მოტივაცია გვაქვს. ეჭვიც არ მეპარება, რომ მაქსიმუმს გავაკეთებთ.“
Saba Lobjanidze is fired up after helping @ATLUTD clinch an Audi #MLSCupPlayoffs berth. ????
— Major League Soccer (@MLS) October 20, 2024
???? Watch MLS 360 on #MLSSeasonPass: https://t.co/xK2zqbew8J pic.twitter.com/H9M9MDzGTf
შეგახსენებთ, რომ ამ გამარჯვებით ატლანტა პლეი-ინში გავიდა, სადაც მონრეალს დაუპირისპირდება. გამარჯვების შემთხვევაში, საბას გუნდი ინტერ მაიამის დაუპირისპირდება.
საბას გოლი ორლანდოსთან
