ალკარასი დაამარცხა - სინერმა 6 მილიონი დოლარი მოიგო
საუდის არაბეთში ექვსი მეფის თასის ტურნირი დასრულდა. ფინალში ერთმანეთს იანიკ სინერი და კარლოს ალკარასი დაუპირისპირდნენ.
პირველ სეტში მოთამაშეებმა თითო ბრეიკი გაცვალეს და გამარჯვებული ტაი-ბრეიკზე გამოვლინდა. ალკარასმა 7:5 მოიგო(7:6).
მეორე სეტი სინერმა დამაჯერებლად დაიწყო და ბრეიკიც შეასრულა, მაგრამ უკუბრეიკი მიიღო და წონასწორობა აღდგა. 3:3-ის შემდეგ, იტალიელმა მნიშვნელოვნად მოუმატა, ზედიზედ ორი ბრეიკი შეასრულა და სეტი 6:3 მოიგო.
მესამე სეტში იმ დროს, როდესაც ანგარიში სინერის სასარგებლოდ 4:3 იყო, იტალიელმა ბრეიკი შეასრულა, წინ გავიდა, მატჩზე ჩააწოდა და ჩემპიონი გახდა. აღსანიშნავია, რომ ალკარასმა ჩაწოდებისას ორმაგი შეცდომა დაუშვა და სწორედ ასე დათმო საკუთარი გეიმი.
ცნობისთვის, იანიკ სინერმა ექვსი მეფის თასის მოგებით 6 მილიონი დოლარი გამოიმუშავა. შეგახსენებთ, სულ ცოტა ხნის წინ, ეს ჩოგბურთელები ერთმანეთს ბეიჯინგის ტურნირის ფინალში შეხვდნენ და გამარჯვება ალკარასმა მოიპოვა.
JANNIK SINNER VINCE IL SIX KINGS SLAM! ????
— Quindici Zero ???? (@quindicizero) October 19, 2024
L'azzurro sconfigge in finale Carlos Alcaraz e trionfa all'esibizione di Riyadh, portandosi a casa il montepremi di 6 milioni di dollari.
6-7 6-3 6-3 il punteggio finale. pic.twitter.com/ndTrxX0WxG
