ვარანი: მხოლოდ ერთი მუხლით ვთამაშობდი, ამას საჯაროდ ვერ ვიტყოდი
რაფაელ ვარანმა მუხლის ტრავმასა და ფეხბურთში არსებულ სხვა სირთულეებზე ისაუბრა.
- ასეთ კონკურენტულ გარემოში შეუძლებელი იყო იმის აღიარება, რომ მხოლოდ ერთი მუხლით თამაშობდი...
„დიახ, მართალია. და არ მინდოდა, რომ ეს საბაბი ყოფილიყო. იმის თქმა, რომ ამის კომპენსაცია მომიწია, სუსტ მდგომარეობაში ჩამაყენებდა, მაშინ როცა მოედანზე გასვლისას ყველას დანგრევა მინდოდა. ფსიქოლოგიური თვალსაზრისით, სხვებს და საკუთარ თავს ვერ ვუთხარი, რომ მხოლოდ ერთი მუხლი მუშაობდა“.
– როგორია ამ შიშით ცხოვრება?
„ვიცოდი, რომ დაშავება შემეძლო, მუხლის მოტეხა, ტვინის შერყევა, მაგრამ ჩვენ ყველანი რისკის ქვეშ ვცხოვრობთ. ჩვენ არ ვდებთ ჩვენს ცხოვრებას, როგორც გლადიატორები, არამედ ჩვენს ფიზიკური მთლიანობით ვრისკავთ და ეს ჩვენი ნაწილია. ტკივილს ბავშვობიდან ვიტანდით, მთელი ცხოვრება ამას ვაკეთებთ.
ტვინის შერყევის თემაზე ან გადატვირთულ კალენდარზე ჩემს პოზიციას რომ გამოვხატავ, შეიძლება იფიქროთ, რომ ჩემს პრობლემებზე ვსაუბრობ, მაგრამ არა, ზოგადად ფეხბურთზე ვსაუბრობთ. ეს შეიძლება იყოს ჩემი, როგორც ფეხბურთელის, ბოლო დიდი ინტერვიუ, ამიტომ მსურს ჩემი კვალი დავტოვო. ბევრი მოთამაშე ჩუმად რჩება, რადგან როცა სხვებისთვის რაღაცას ვითხოვთ, საფეხბურთო საზოგადოება იფიქრებს, რომ ჩვენ ამას საკუთარი თავისთვის ვაკეთებთ. მაგრამ ეს სიმართლეს არ შეესაბამება. როდესაც ფსიქიკურ ჯანმრთელობაზე ვსაუბრობ, ეს არის არა ნაკლები პრობლემა, არამედ იმიტომ, რომ ფეხბურთი გადატვირთულია და ერთხელაც მანქანა აფეთქდება“,
- თქვა ვარანმა L'Équipe-თან ინტერვიუში.
