ფიბა ევროპის თასი - ქუთაისი ბილბაოსთან დამარცხდა
როგორც მოგეხსენებათ, საქართველოს მოქმედი ჩემპიონი ქუთაისი ფიბა ევროპის თასზე ასპარეზობს.
მეორე ტურში, ქუთაისმა ბილბაოს უმასპინძლა და სამწუხაროდ დიდი ანგარიშით 57:88 დამარცხდა.
ქართულმა კლუბმა პირველი მეოთხედი კარგად დაიწყო, მაგრამ შემდეგ ყველაფერი აირია და ბილბაომ პირველი ტაიმი 21-ქულიანი უპირატესობით, 47:26 მოიგო. საბოლოოდ კი, როგორც უკვე მოგახსენეთ 88:57.
ქუთაისის მხრიდან ყველაზე შედეგიანი გიორგი კორსანტია იყო, რომელმაც 17 ქულას, 13 მოხსნას(ორმაგი დუბლი) და 2 შედეგიან გადაცემას მოუყარა თავი.
შეგახსენებთ, რომ საქართველოს მოქმედი ჩემპიონი ფიბა ევროპის თასზე ზედიზედ მეორედ დამარცხდა. შემდეგ ტურში, ქუთაისი სტუმრად ბალკანის წინააღმდეგ ითამაშებს.
