როდის და სად გაიმართება შესარჩევის წილისყრა | მუნდიალი 2026

2026 წელს ფეხბურთის მსოფლიო ჩემპიონატი ახალი ფორმატით გაიმართება. ისტორიაში პირველად, მუნდიალში მონაწილეობას 48 გუნდი მიიღებს და მთლიანობაში, 104 მატჩი ჩატარდება.

ჩვენთვის ჩემპიონატი იმათაც არის განსაკუთრებული, რომ შესაძლოა ამ 48 გუნდიდან ერთ-ერთი საქართველოს ნაკრები გახდეს.

დღეს უეფამ გამოაცხადა თარიღი, თუ როდის გაიმართება მუნდიალის შესარჩევი ციკლის წილისყრა ევროპაში.

როგორც ცნობილი გახდა, წილისყრა 13 დეკემბერს, ციურიხში გაიმართება და ევროპის 54 ქვეყანა 12 ჯგუფში გადანაწილდება.

ზოგი ჯგუფი 5-გუნდიანი იქნება და მათთვის შესარჩევი ციკლი მარტში დაიწყება, 4-გუნდიანი ჯგუფების კი - სექტემბერში. ჯგუფური ეტაპი 2025 წლის ნოემბერში დასრულდება.

შეგახსენებთ, რომ მსოფლიო ჩემპიონატი 2026 წლის 11 ივნისს დაიწყებდა და 19 ივლისს დასრულდება.

მუნდიალს 3 ქვეყანა: აშშ, კანადა და მექსიკა უმასპინძლებენ.